الفرق بين المخزون في البرنامج والمخزون على الرف هو فلوس ضايعة. هذا الدليل يشرح كيف تجرد بدون ما تقفل المحل يوم كامل، وكيف تقرأ الفروقات، ووش تسوي عشان ما تتكرر.
قبل ما تجرد، اعرف وش تدوّر عليه. الفاقد في أغلب المحلات يجي من: بضاعة تالفة أو منتهية انرمت بدون تسجيل، وأخطاء في الاستلام (المورد كتب 20 كرتون ووصل 18)، وبيع بدون تسجيل أو صنف انباع باسم صنف ثاني، ووصفات غير دقيقة في المطاعم، وأحياناً سرقة. الجرد ما يمنع هذه الأشياء، لكنه يوريك وينها بالضبط.
لا تنشغل بعدد القطع؛ انظر لـقيمة الفرق بالتكلفة. نقص 50 علكة أهون من نقص جوالين. رتّب التقرير بالقيمة، وابدأ بأعلى عشرة أصناف، واسأل عن كل واحد: هل هو تالف ما انسجل؟ استلام ناقص؟ صنف ينباع غلط باسم ثاني؟ وإذا تكرر النقص في نفس الصنف كل أسبوع، هذي إشارة تحتاج متابعة، مو صدفة.
كل علبة تنكسر أو تنتهي ولا تنسجل، تطلع في الجرد «عجز» وتخلط عليك الصورة. سجّل الإتلاف بسببه أول ما يصير: تالف، منتهي الصلاحية، مكسور، أو مفقود. كذا تفرق بين الهدر المعروف والعجز اللي يحتاج تحقيق، وتعرف أي مورد أو أي صنف يسبب لك خسارة. ونفس الشي للمرتجع من العميل: إذا الغرض ما يصلح يرجع للرف، سجّله تالف.
في المطعم أنت ما تبيع «كيلو رز»، تبيع طبق. فالمخزون الحقيقي هو المواد الخام: الرز بالكيلو، والزيت باللتر، والخبز بالحبة. اكتب لكل طبق وصفة، والبرنامج يخصم مكوناتها مع كل بيع. بعدها جرد المواد الخام يوريك الفرق بين المستهلك حسب الوصفات والمستهلك فعلاً. قاعدة عملية: إذا النقص فوق 5% من المستهلك، راجع الوصفة نفسها أو الهدر في المطبخ قبل ما تتهم أحد.
في محلات الجوالات والإلكترونيات، العد بالكمية ما يكفي. تحتاج تعرف أي جهاز بالضبط انباع ولمين، عشان الضمان والمرتجع ومشاكل الأجهزة المسروقة. سجّل الرقم التسلسلي أو IMEI عند الاستلام، واختره عند البيع، وفي الجرد طابق الأرقام مو العدد بس. اقرأ أكثر في برنامج كاشير لمحلات الجوالات.
لو عندك فرعين أو معرض ومستودع، لا تخلط مخزونهم. لكل فرع رصيده، وأي بضاعة تنتقل تمشي بمستند تحويل: يطلع من فرع ويدخل الثاني. التحويل بالكلام أو بالواتساب هو أول سبب لفروقات الجرد بين الفروع. التفاصيل في دليل إدارة الفروع.
وإذا وقفت عند أي خطوة، اسأل المساعد الذكي داخل البرنامج: اكتب سؤالك مثل «كيف أبدأ جرد لفئة المشروبات؟» ويشرح لك الطريقة. المساعد مجاني ويشتغل على جهازك، يجاوب من بيانات محلك نفسها، ويقرأ صور الفواتير والملفات وينفّذ التغييرات بعد موافقتك. وفيه باقة ذكاء اصطناعي مدفوعة اختيارية لمن يبي أسئلة أوسع وقراءة أدق.
حمّل نسخة نشاطك من الصفحة الرئيسية وجرّبها كاملة 14 يوماً بدون بطاقة. اشتراك نقاط البيع 1,500 ريال للسنة الأولى، واشتراك الحسابات 3,000 ريال للسنة الأولى، وبعدها 575 ريال سنوياً، وكل كاشير فرعي إضافي 575 ريال، والأسعار شاملة الضريبة. للاشتراك تواصل معنا على واتساب أو من شاشة الاشتراك في البرنامج، وبياناتك من التجربة تبقى كما هي. التفاصيل في حقائق وأسعار هدب.
جرد شامل مرة أو مرتين في السنة، وجرد جزئي لفئة وحدة كل أسبوع، وجرد مفاجئ للأصناف الغالية أو الصغيرة. الجرد الجزئي يكشف المشاكل بدري بدون ما يوقف المحل.
مو شرط. ابدأ الجلسة في البرنامج قبل العد فينحفظ الرصيد لحظتها، وجرد فئة وحدة في وقت هادي. في هدب يقدر أكثر من شخص يعدّون في نفس الجلسة وتكمل بعدين.
الإتلاف هدر معروف تسجّله بسببه أول ما يصير (تالف، منتهي، مكسور، مفقود). العجز فرق ما له تفسير يطلع في الجرد ويحتاج متابعة. تسجيل الإتلاف أول بأول يخلي العجز الحقيقي واضح.
سجّل المواد الخام بوحدتها واكتب لكل طبق وصفة تخصم مكوناته مع البيع، ثم سوّ جرد المواد الخام. التقرير يوريك الفرق بين المستهلك حسب الوصفات والفعلي، وإذا النقص فوق 5% راجع الوصفة أو الهدر.
نعم. الجرد الشامل والإتلاف والأرقام التسلسلية ومخزون كل فرع والتحويل بينها كلها في اشتراك نقاط البيع. تكاليف الشحن والجمارك على تكلفة الصنف في اشتراك الحسابات.
فعّل الرقم التسلسلي للصنف، وسجّل الرقم أو IMEI عند الاستلام، واختره عند البيع. كذا تعرف أي جهاز انباع ولمين، وتطابق الأرقام في الجرد.
تواصل معنا على واتساب، ونساعدك في التثبيت والربط مع فاتورة.
056 173 9500 · 050 062 6563
