الديكور والمنيو والموقع تاخذ أغلب تفكيرك، لكن اللي يحدد إذا المطعم يربح هو الأنظمة اللي وراه: كيف يوصل الطلب للمطبخ، وكم تكلفة كل طبق، ووين يروح الهدر، وكم تاكل منك تطبيقات التوصيل.
قبل الافتتاح تحتاج السجل التجاري، ورخصة النشاط من البلدية، والشهادات الصحية للعاملين، وأي اشتراطات للدفاع المدني حسب موقعك. وإذا إيراداتك المتوقعة تتجاوز حد التسجيل الإلزامي في ضريبة القيمة المضافة (375 ألف ريال سنوياً)، سجّل في الضريبة، وبعدها تكون ملزم بالفوترة الإلكترونية. تأكد من التفاصيل من الجهات الرسمية لأن الاشتراطات تتحدث.
المطعم يبيع بثلاث طرق على الأقل: محلي على الطاولة، وسفري، وتوصيل. نظام الكاشير لازم يفرّق بينها، ويعرف الطاولات المفتوحة، ويدعم الأحجام والإضافات بسعرها (وسط، كبير، جبن زيادة) بدون ما يكتبها الكاشير ملاحظة. وجهّز طريقة الدفع المقسّم بين كاش وشبكة، لأن الطاولات العائلية تقسم الحساب كثير.
أول ما يدخل الطلب لازم يوصل المطبخ بدون ورقة يمشي فيها الويتر. عندك خيارين: شاشة المطبخ اللي يشوف فيها الطباخ الطلبات بالترتيب، أو طابعة لكل قسم (المشويات تطلع في طابعة، والمشروبات في طابعة البار). أغلب المطاعم المتوسطة تستفيد من الاثنين.
أكبر خطأ في المطاعم الجديدة تسعير الطبق بالتخمين. اكتب لكل طبق وصفته: كم جرام دجاج، كم رز، كم زيت. البرنامج يخصم المكونات من المخزون مع كل بيع ويحسب لك تكلفة الطبق. بعدها تعرف أي طبق يربحك وأي طبق ينباع كثير وربحه قليل. وفي جرد المواد الخام تكتشف الفرق بين المستهلك حسب الوصفات والفعلي؛ التفاصيل في دليل جرد المخزون.
الأكل اللي ينطبخ وما ينباع خسارة يومية ما تنتبه لها. خلّ الكاشير يسجّل المتبقي آخر اليوم لكل صنف، وبعد أسبوعين بتعرف إنك تطبخ كمية زيادة من صنف معيّن يوم الأحد، أو إن الحلى ينرمى كل يوم ثلاثاء. هذا أسرع طريق لتقليل الهدر.
وجبة العامل حق له، لكن إذا ما انسجلت تطلع في الجرد عجز. سجّلها وجبة موظف من الكاشير: بدون فاتورة، تنخصم من المخزون، وتنسجل بتكلفتها مصروف، مع حد لكل عامل إذا تبي.
تطبيقات التوصيل تجيب طلبات، لكنها تاخذ عمولة من كل طلب. لا تبيع على التطبيق بنفس سعر المطعم بدون ما تحسب: سجّل كل تطبيق بعمولته وأسعاره، وشوف ربحك الصافي من كل تطبيق في التقارير. وإذا الطبق ما يربح بعد العمولة، ارفع سعره على التطبيق أو شيله منه.
في الكافيهات والمطاعم ذات الجلسات، الضيف يقدر يمسح باركود الطاولة بجواله بدون تطبيق، ويشوف المنيو بالصور ويطلب. الكاشير يسمع تنبيه ويوافق بضغطة، والطلب يوصل المطبخ مباشرة، والضيف يتابع حالته، والدفع يبقى عند الكاشير. في هدب هذه إضافة الطلب بالباركود من الطاولة بـ 115 ريال سنوياً شامل الضريبة، ومجانية خلال التجربة. اقرأ دليل الطلب بالباركود.
كل فاتورة لازم تكون متوافقة مع فاتورة المرحلة الثانية: تُوقّع وتُرسل للهيئة مع رمز QR، والمرتجع بإشعار دائن. وتأكد إن النظام يبيع بدون إنترنت، لأن المطعم ما يقدر يوقف في وقت العشاء.
حدد لكل موظف صلاحياته، وخلّ كل كاشير يفتح ويقفل ورديته ويعدّ الكاش، وسجّل الحضور والانصراف برمز لكل موظف (اشتراك الحسابات). كذا تعرف وين العجز ومين المسؤول.
هدب للمطاعم والمقاهي فيه هذا كله في برنامج واحد: محلي وسفري وتوصيل والطاولات، وشاشة المطبخ وطابعة لكل قسم، والأحجام والإضافات بسعرها، والوصفات اللي تخصم المكونات، والمتبقي آخر اليوم، ووجبات الموظفين، وتطبيقات التوصيل بعمولاتها وأسعارها مع ربط مباشر مع هنقرستيشن، والورديات وعدّ الكاش، وفاتورة المرحلة الثانية، ويعمل بدون إنترنت. وفي اشتراك الحسابات تضيف الحضور والانصراف برمز لكل موظف والرواتب مع التأمينات الاجتماعية. وللكافيهات صفحة خاصة: برنامج كاشير للكافيهات.
وإذا وقفت عند أي خطوة، اسأل المساعد الذكي داخل البرنامج: اكتب سؤالك مثل «كيف أكتب وصفة للطبق؟» ويشرح لك الطريقة. المساعد مجاني ويشتغل على جهازك، يجاوب من بيانات محلك نفسها، ويقرأ صور الفواتير والملفات وينفّذ التغييرات بعد موافقتك. وفيه باقة ذكاء اصطناعي مدفوعة اختيارية لمن يبي أسئلة أوسع وقراءة أدق.
حمّل نسخة نشاطك من الصفحة الرئيسية وجرّبها كاملة 14 يوماً بدون بطاقة. إضافة الطلب بالباركود من الطاولة مجانية طول فترة التجربة، وبعدها 115 ريال سنوياً. اشتراك نقاط البيع 1,500 ريال للسنة الأولى، واشتراك الحسابات 3,000 ريال للسنة الأولى، وبعدها 575 ريال سنوياً، وكل كاشير فرعي إضافي 575 ريال، والأسعار شاملة الضريبة. للاشتراك تواصل معنا على واتساب أو من شاشة الاشتراك في البرنامج، وبياناتك من التجربة تبقى كما هي. التفاصيل في حقائق وأسعار هدب.
نظام كاشير يفرّق بين المحلي والسفري والتوصيل، ويوصل الطلب للمطبخ مباشرة، ويخصم مكونات كل طبق بالوصفة، ومتوافق مع فاتورة المرحلة الثانية ويعمل بدون إنترنت.
اكتب لكل طبق وصفته بالجرام أو الحبة، والبرنامج يحسب التكلفة من أسعار شراء المكونات ويخصمها من المخزون مع كل بيع.
سجّل المتبقي آخر كل يوم لكل صنف، وسجّل وجبات الموظفين والتالف، وسوّ جرد المواد الخام. بعد أسبوعين تعرف أي صنف تطبخ منه زيادة.
احسب ربحك بعد عمولة كل تطبيق. في هدب تسجّل كل تطبيق بعمولته وأسعاره وتشوف ربحه في التقارير، وإذا ما يربح ارفع سعره على التطبيق.
115 ريال سنوياً شامل الضريبة كإضافة لهدب للمطاعم والمقاهي، ومجانية خلال التجربة. الضيف يطلب من جواله بدون تطبيق، والدفع عند الكاشير.
لا، هدب لا يوفر حالياً موقع أو تطبيق طلبات توصيل أو استلام للعملاء. طلبات التطبيقات تُسجّل في البرنامج بعمولاتها، والطلب بالباركود متاح للضيوف داخل المطعم.
اشتراك نقاط البيع 1,500 ريال للسنة الأولى ثم 575 ريال سنوياً، وكل كاشير فرعي إضافي 575 ريال، شامل الضريبة، مع تجربة مجانية 14 يوماً.
تواصل معنا على واتساب، ونساعدك في التثبيت والربط مع فاتورة.
056 173 9500 · 050 062 6563
