(المحاسبة ← القيود اليومية ← «قيد جديد») — بدون مدين ودائن:
- «وش صار؟»: مشتريات ومصروفات، تحويل بين الصندوق والبنك، المالك دخّل فلوس، المالك سحب فلوس، سلفة أو عهدة لموظف، شراء أصل، دخل غير المبيعات، أو قيد آخر.
- «من وين طلع المبلغ؟»: الصندوق أو البنك.
- «وين راح؟»: سطر لكل بند (إيجار، كهرباء، صيانة، مخزون…) ومبلغه، وعلّم «شامل الضريبة 15%» إذا الفاتورة فيها ضريبة — البرنامج يفصل الضريبة لحالها ويحسبها في الإقرار الضريبي (ضريبة المدخلات). اضغط Enter بعد المبلغ ويفتح سطر جديد.
- تشوف تحت «كيف بينقيد» ثم «حفظ». وإذا الزر مقفول مكتوب جنبه وش الناقص.
- مشتريات ومصروفات الشهر كلها في قيد واحد: نفس الشي، سطر لكل بند في نفس القيد. (إذا تبي الكميات تدخل المخزون أو يطلع حساب المورد، سجّلها من المشتريات.)
- تبي مدين ودائن بنفسك أو أكثر من مصدر؟ زر «قيد مفصّل» ينقل اللي كتبته لشاشة القيد العادي.
في القيود اليومية بعد:
- بحث برقم القيد (JE-12) أو المبلغ أو البيان أو اسم/رقم الحساب، وفلتر النوع (يدوي، مبيعات، مشتريات، رواتب…)، ونوع كل قيد مكتوب بالعربي. «عرض المزيد» يجيب الأقدم.
- «فتح المستند»: يفتح الفاتورة أو المشتريات أو المصروف اللي سوّى القيد.
- المرفقات (أيقونة الدبوس): ارفق صورة الإيصال أو العقد أو الحوالة أو PDF (حتى 10 لكل قيد).
- نسخ القيد (يدوي): يفتح نسخة بتاريخ اليوم تعدّلها وتحفظ. وللقيد اللي يتكرر كل شهر: التخطيط ← القيود المتكررة.
- عكس القيد (يدوي): ينزل قيد عكسي بتاريخ اليوم يلغي أثره، والأصلي يبقى للأثر ومكتوب عليه «معكوس بالقيد». القيد التلقائي (فاتورة، مشتريات…) يتصحح من مستنده.
- تصدير Excel وطباعة كل القيود الظاهرة، أو طباعة قيد واحد من أيقونة الطابعة.
وإذا وقفت عند أي خطوة، اسأل المساعد الذكي داخل البرنامج.
